Абласная велікодная выстава «Светлы дзень» будзе праходзіць з 5 сакавіка па 5 красавіка 2019 года ў выставачнай зале Віцебскага абласнога метадычнага цэнтра народнай творчасці (вул.Леніна, 35-а). 

На выставе прадстаўлены экспанаты майстроў Дамоў/Цэнтраў рамёстваў, народных клубаў майстроў мастацкіх рамёстваў: іконы ў розных тэхніках і матэрыялах, ручнікі, карціны з велікодным сюжэтам, вербныя букеты, размаляваныя, афарбаваныя яйкі, інсталяцыі на тэмы Велікоднага цыклу, дэкаратыўныя ўпрыгожанні для святочнага стала і дома, сурвэткі і абрусы, прыгожы тэматычны посуд: вазы, салатніцы, падстаўкі пад яйкі, дэкаратыўныя плеценыя кошыкі, выцінанкі і розныя велікодныя сувеніры.